Drejtuesi i Trustit Wellcome, Prof. Sir Jeremy Farrar tha gjatë mbledhjes së Komitetit të Shëndetit se “situata nuk do të ketë përfunduar deri për Krishtlindje”, duke iu përgjigjur kështu kryeministrit Britanik, Boris Johnson, i cili shpresonte se deri në atë kohë vendi do t’i rikthehej normalitetit.
Boris Johnson i bëri deklaratat e tij ndërsa prezantonte planet për të lehtësuar më tej masat shtrënguese për koronavirusin. Sir Jeremy, anëtar i Sage, organi këshillues i qeverisë, tha se bota do të jetojë me Covid-19 për “shumë e shumë vite që do të vijnë”.
“Situata nuk do të ketë marrë fund deri për Krishtlindje. Ky infeksion nuk ka për të ikur, tashmë është një infeksion endemik i njeriut. Edhe nëse do të kemi një vaksinë apo trajtim të mirë, njerëzimi sërish do duhej që të jetonte me virusin për shumë e shumë vite….dekada të ardhshme,” ka shpjeguar eksperti, raporton BBC.
