Situata e tensionuar në veri të Kosovës në dy pikat kufitare Jarinjë dhe Bërnjak ka detyruar kryeministrin Albin Kurti të mbledh Këshillin e Sigurisë në orët e vona të së shtunës.
Këshilli i Sigurisë së Kosovës ka diskutuar për koordinimin e mëtejmë të veprimeve strategjike në shërbim të paqes dhe sigurisë, kushtetutshmërisë dhe ligjshmërisë në vend, ka bërë të ditur Qeveria e Kosovës përmes një komunikata për media.
Pas takimit në një postim në rrjetin social Facebook, kryeministri Kurti ka shkruar se në bllokimet e rrugëve kryesore që shpijnë në drejtim të vendkalimeve kufitare Jarinjë dhe Bërnjak po marrin pjesë individë, që sipas tij janë të dëshmuar me veprimtari kriminale e pikëpamje ekstremiste. Kurti ka postuar edhe përshkrime dhe fotografi për dy prej tyre. Kryeministri Albin Kurti, gjatë një konference për media, të shtunën tha se Serbia po provokon konflikt serioz ndërkombëtar që rrezikon të marrë përmasa rajonale.
Gjatë ditës së sotme, kryeministri, Albin Kurti do të zhvillojë një takim urgjent me liderët e opozitës në vend, për të diskutuar në lodhje me situatën e tensionuar në veri të vendit, ku për të 7-ën ditë rradhazi pikat kufitare të Jarinjës dhe Bërnjakut vijojnë të jenë të bllokuara nga protestuesit serbë. Sipas mediave kosovare ende nuk bëhet e ditur se në çfarë ore do të zhvillohet takimi, por njoftohet se pjesë e tij do të jenë kryetari i PDK-së Memli Krasniqi, kryetari i LDK-së Lumir Abdixhikun dhe ai iAAK-së Ramush Haradinaj.
Për shkak të zhvillimeve në veri, presidentja e Kosovës, Vjosa Osmani më 25 shtator ndërpreu vizitën e saj në Shtetet e Bashkuara dhe u nis drejt Kosovës Presidenti i Këshillit Europian, Charles Michel, ka reaguar dhe i ka kërkuar kryeministrit Albin Kurti dhe presidentit serb Aleksandër Vuçiç të shmangin tensionet në veri të Kosovës. Përmes një postimi në llogarinë e tij në ‘Tëitter’, Michel bën thirrje që të tërhiqen Njësiti Special i Kosovës dhe barrikadat në pikat kufitare Jarinje dhe Bërnjak.
“Në kontakt të ngushtë me Josep Borrell. Koha që Serbia dhe Kosova, Aleksandar Vuçic dhe Albin Kurti, të tërhiqen dhe të mos e eskalojnë situatën, të bëjnë tërheqjen e Forcave Speciale dhe barrikadave dhe të vazhdojnë negociatat sipas propozimeve të Emisarit të Lartë të BE-së, Miroslav Lajçak”, ka deklaruar ai.
