Nga Besim DYBELI
Si nënë e dytë për fëmijët
Nuk është e lehtë, të punosh me fëmijët. Por kënaqësi, kur u fal atyre ngrohtësi e dashuri. Madje, më shumë se kaq. Ndjehesh e ngazëllyer, kur ndjen se ata të përjetojnë si nënë të dytë. Të tilla përjetime ndjehen edhe tek edukatorja, Sonila Velaj. Ajo e nisi karrierën e saj, më tepër se një dekadë më parë. Fillimisht , edukatore në shkollën Jo-Publike “Cambridge European” në qytetin e Cërrikut. Këtu u hap sipari i punës së saj në këtë profesion të bukur, fisnik, por dhe të vështirë. Edukatore, Sonila do të punonte me shumë përgjegjësi e përkushtim. Mbi ta gjitha, ajo do tu falte fëmijëve ngrohtësi e dashuri. Pas katër vitesh, ajo do të punonte po në qytetin e Cërrikut, por në një kopsht publik. Përvojën e suksesin do ta përcillte edhe në kopshtin publik në Mollas. Dhe pse larg, ajo punoi me të njëjtën dashuri për profesionin. U transferua sërish. Këtë radhë në skajin verior, në Xherije të Xibrakës. Pas dy vjetëve do të emërohej në Shtëpanjë. Së fundi, duket se rrethi vicioz u mbyll! Është emëruar në shkollën “7 Marsi” në qytet. Ndoshta këtu do të vazhdojë gjatë. Mbi dhjetë vite, që ajo punon me të njëjtën përkushtim e përgjegjësi. Karriera vazhdon…
Obligimi për më tepër, mësim, edukim e dashuri për fëmijët, nuk shteron kurrë…Ky mbetet portreti profesional e mediatik i edukatore Sonilës…
