Ju dhe partneri juaj vendosni së bashku çfarë doni të bëni. Nuk keni pse të kryeni marrëdhënie seksuale. Nëse nuk ndiheni gati, nuk keni pse ta bëni. Ju mund të bëni seks në shumë mënyra të ndryshme.
Përpiquni të qetësoheni. Të gjeni kohën tuaj mund të ndihmojë.
Sigurohuni se askush nuk mund t’ju shqetësojë. Do të jeni më i qetësuar.
Sigurohuni se jeni të dy të eksituar mjaftueshëm. Stimuloni njëri-tjetrin, për shembull duke eksploruar trupin e njëri tjetrit.
Flisni me njëri tjetrin për çfarë ju pëlqeni dhe çfarë nuk pëlqeni.
Nëse dhemb pak
Mund të dhembë pak herën e parë që kryeni marrëdhënie seksuale. Mund të ketë arsye të ndryshme për këtë:
- Një grua do të jetë më pak e eksituar nëse ajo ndihet e frikësuar ose e pasigurt. Vagina e saj do mbesë tepër e thatë dhe muskujt e dyshemesë së legenit të saj të tkurrur. Vagina bëhet tepër e ngushtë. Më pas penetrimi është i vështirë ose i pamundur. Përpiquni të qetësoheni.
- Lafsha e penisit të burrit mund të jetë tepër e ngushtë e të mos rrëshqasë mirë mbi kokën e penisit. Ju mund ta përmirësoni këtë duke tërhequr rregullisht lafshën mbi kokën e penisit. Nëse dhimbja mbetet, ju duhet të shkoni te mjeku. Burrat që janë bërë synet nuk kanë më lafshë.
Orgazma
Ju do të zbuloni pas disa kohësh çfarë pëlqeni të dy dhe si dhe kur mund të arrini një orgazëm. Ju nuk keni nevojë gjithmonë të arrini një orgazëm. Njihni njëri-tjetrin më mirë dhe fitoni eksperiencë.
