Një mosmarrëveshje për parkimin e makinës në Machelen, një komunë pranë Vilvoorde në Belgjikë, ka rezultuar fatale.
Mbrëmjen e së dielës, një burrë 61-vjeçar, i cili është italian, qëlloi mbi dy fqinjët e tij, një shqiptar 43-vjeçar dhe një tjetër 19-vjeçar. Si pasojë, 43-vjeçari humbi jetën dhe kushëriri i tij pësoi lëndime të rrezikshme për jetën.
Ngjarja ka ndodhur në një kontekst tensioni që kishte filluar prej kohësh mes sulmuesit dhe viktimës. Dyshohet se incidenti shpërtheu pasi makina e sulmuesit ishte bllokuar nga ajo e viktimës gjatë një feste ditëlindjeje në shtëpinë e viktimës.
Pas të shtënave, autori u arratis, por më vonë u kap nga policia.
