Prodhohet ilaçi që zhduk plotësisht ngarkesën virale në mushkëri, mposht Covid.
Rezultate mbresëlënëse ka dhënë një medikament i ri eksperimental kundër koronavirusit SARS-CoV-2me prova të bëra si gjithnjë tek minjtë.
Efekti i këtij ilaçi arriti të zvogëlojë ngarkesën virale në mushkëritë e kafshëve eksperimentale deri në 99.9%, duke hapur rrugën për provat klinike që parashikohet të çojnë në miratimin e ilaçit për njerëzit.
Sipas “BrisbaneTimes”, ilaçi eksperimental është një produkt i bashkëpunimit të institutit kërkimor Menzies Health Institute Queensland të Universitetit Griffith të Australisë dhe institutit Amerikan City of Hope.
Menzies Health Institute: Anti-viral treatment against COVID-19
Në fakt, siç theksuan krijuesit e tij, ilaçi është krijuar posaçërisht për të qenë shumë efektiv në trajtimin e të gjitha llojeve mutante të SARS-CoV-2 aktualisht në qarkullim, por edhe ato që mund të shfaqen në të ardhmen.
Kreu i ekipit hulumtues, Profesor Nigel Macmillan, i tha gazetës britanike se ilaçi përdor teknologjinë e nanopjesësëzave, falë së cilës arrin pikërisht në mushkëri, ku në kafshët shkatërroi koronavirusin me 99.9% sukses.
Menzies Health Institute: Anti-viral treatment against COVID-19 | Gold Coast Bulletin
Dr. Macmillan theksoi se ilaçi nuk kërkon kushte të veçanta ruajtjeje, duke e bërë të lehtë ruajtjen dhe shpërndarjen e tij.
Ai shpjegoi se nanopjesëzat që mbajnë ilaçin mbeten të pandryshuara për një muaj në temperaturë dhome, ndërsa, nëse mirëmbahen në 4 gradë Celsius, ato mund të zgjasin deri në një vit.
