Aksion i Policise Bashkiake ne Sarande, lirohen hapesirat publike. Hiqen nga rruget 65 automjete
Policia Bashkiake e Sarandes prej 1 jave ka ndermare nje aksion per lirimin e hapesirave publike dhe kryesisht parkimeve te zaptuara nga subjekte private dhe mjete te braktisura prej shume vitesh. Sipas Drejtuesit te Policise Bashkiake Sarande, Aleksander Lilo, jane hequr te pakten 65 automjete te cilat prej vitesh ishin braktisur ne akset rrugore ne brendesi te qytetit. Aksionit, sipas Lilos, nuk i kane shpetuar dhjetra biznese te cilat kishin vendosur blloqe betoni me lule, apo sende te ndryshme si karrige, kone plastike apo flamuj per te zene parkinge te cilat nuk i paguanin. Te gjitha keto sende jane sekuestruar nga Policia Bashkiake, duke i hapur keshtu qytetit qindra parkime teksa fluksi i automjeteve ne qarkullim pritet te rritet per shkak te sezonit veror. “Shume subjekte, shprehet Lilo, kishin vijezuar ne menyre te paligjshme parkimet, duke pretenduar se i kishin private, nderkohe qe realisht nuk paguanin asnje takse ne Bashki”. Aksioni vec lirimit te hapesirave publike, eshte shtrire edhe ne bulevardin e qytetit, per evidentimin e gjithe reklamave te vendosura nga subjekte te ndryshme, me qellim vjeljen e taksave te tyre. Si rrjedhoje eshte shtuar disa fish perqindja e arketimeve ditet e fundit ne arken e Bashkise Sarande.
