Sali Berisha “nuk bën mbrapa”: Jam pjesë e Grupit të PD, vendimi i djeshëm është nul! Ju garantoj se ka marrëveshje Rama-Basha.
Ish-kryeministri Sali Berisha ka marrë pjesë në ceremoninë zyrtare të nisjes së punimeve të Kuvendit të Shqipërisë. Pas seancës, ai ka bërë një tjetër deklaratë të fortë, duke thënë se ishte i sigurt për një marrëveshje tjetër Rama-Basha, për përjashtimin e tij.
Berisha i bindur iu tha gazetarëve se secili sot ishte ne vendin e vet në Kuvend, dhe ai ishte sigurisht pjesë e Grupit Parlamentar të PD.
“Më i vendosur, më i motivuar më shumë se kurrë në jetën time. Për të mbrojtur interesin publik të shqiptarëve. Për të mbrojtur interesin e kombit shqiptar, për të denoncuar të gjitha faerat e këtij regjimi. Regjim i cili ka zgjedhur shpifjen, trillimin, kurthet dhe pazaret për eleminimin e opozitës.
Unë garantoj që ajo që ndodhi, është një marrëveshje Rama-Basha, në kurriz të zgjedhësve shqiptarë. Cdo nismë ligjore dhe statutore për rikthimin e saj në piedestalin që meriton. Siç e shifni, unë nga çdo lloj diskutimi jam anëtar i Grupit Parlamentar të PD. Vendimi i Lulzim Bashës është nul”, tha Berisha pas seancës plenare.
