Me gjithë dyshimet dhe skepticizmin e Perëndimit, Rusia tashmë duket gati për të nisur vaksinën anti-Covid që shpiku.
Sipas mediave ruse, testimi i vaksinës së Coronavirus do të nisë fillimisht tek një grup prej 40 mijë personash.
Ky proces do të monitorohet nga një organ i huaj hulumtues kur të nisë javën e ardhshme, thanë mbështetësit e projektit.
Vaksina, e quajtur Sputnik V në “nder” të satelitit të parë në botë të dërguar në hapësirë nga Bashkimi Sovjetik, është përshëndetur si e sigurt dhe efektive nga autoritetet dhe shkencëtarët rusë pas dy muajve testesh klinike në njerëz në shkallë të ulët, rezultatet e të cilave nuk janë bërë publike ende, raporton The Guardian.
Por, prapëseprapë ekspertët perëndimorë kanë qenë më skeptikë ndërsa kanë dalë kundër përdorimit të saj derisa të gjitha hapat e testimit të aprovuara ndërkombëtarisht të jenë marrë dhe të provohet që kanë qenë të suksesshme.
