Pavarësisht përpjekjeve të Moskës për të dekurajuar protestat, dhjetëra mijëra njerëz mbushën rrugët e Khabarovsk në Rusi, duke kundërshtuar kështu arrestimin e një guvernatori rajonal.
I dërguari special i Kremlinit foli për mirëkuptimin ndaj protestave, por kërkoi që ato të mos vijojnë, ndërsa autoritetet paralajmëruan njerëzit që të mos marrin pjesë për shkak të rrezikut të përhapjes së COVID-19.
Demonstratat në Khabarovsk kanë të bëjnë më arrestimin e guvernatorit që dyshohej se ishte përfshirë në disa vrasje të biznesmenëve në vitet 2004 dhe 2005.
Kjo protestë është konsideruar e pazakontë për Rusinë për dy arsye kryesore: Vendosmërinë me të cilën protestuesit po shprehin ankesat e tyre dhe përgjigjen në dukje të butë të Moskës.
Të pranishmit në demonstrata kanë kërkuar një gjykim të drejtë për guvernatorin Sergei Furgal, por pati edhe thirrje kundër Putinit.
