Po si u zbuluan përgjimet për llogari të Sali Berishës?
Pas ardhjes në pushtet, Edi Rama ngriti një grup pune, me anëtarë të Komisionit të Sigurisë Kombëtare, për të kontrolluar SHISH. Fillimisht, SHISH bëri rezistencë, por më në fund i hapi dyert. Grupi i punës zbuloi përgjimet, për të cilat hartoi një raport.
Sipas këtij raporti, më i përgjuari nga Berisha ishte Ilir Meta. Meta ishte përgjuar mbi 800 herë. Nën përgjim ishte vënë njerëzit kryesorë të politikës dhe mediave. Sipas personave që kontrolluan SHISH, nën përgjim ishin vënë edhe të gjithë ata që shanin Shkëlzenin dhe Argitën.
Pas Metës, njeriu më i përgjuar nga Sali Berisha rezultoi Sokol Olldashi, i cili rrezikonte seriozisht pozitat e familjes së tij në Partinë Demokratike. Në bazë të raportit të grupit të kontrollit, që ka hetuar përgjimet e shefit të spiunazhit shqiptar, Sokol Olldashi është përgjuar deri ditën e vdekjes enigmatike, gjoja në aksident.
Gjatë përgjimit të Sokol Olldashit, Berisha ka arritur të zbulojë edhe kundërshtarët e tjerë të Bashës dhe familjes së tij. Kështu, në listën të përgj.uarve, rezulton Astrit Patozi, Ilir Rusmali, Mesila Doda dhe i gjithë grupi anti-familje në Partinë Demokratike. Berisha ka përg.juar edhe vetë Lulzim Bashën, të cilit i besoi drejtimin e PD. Berisha e ka përgjuar Bashën për t’u siguruar nëse është vërtetë besnik i familjes apo shtiret.
