Komisioni Eropian ka prezantuar sot raportin për Shqipërinë për periudhën 2018-2019, ku janë adresuar çështje si riatdhesimi, migracioni i paligjshëm, kërkesat për azil, rendi publik dhe siguria. Raporti është postuar në Twitter nga ambasadori i BE, Luigi Soreca, i cili thekson, se Shqipëria duhet të bëjë më shumë për sigurinë dhe emigracionin. Në raport theksohet, Shqipëria mban vendin e parë për emigrimin e paligjshëm dhe kërkesat për azil, në mesin e shteteve të Ballkanit Perëndimor.
“Midis 2018-ës dhe 2019-ës, numri i shtetasve shqiptarë të cilëve iu refuzua hyrja në zonën Schengen u ul me 9%, ndërsa numri i atyre që u futën në mënyrë të paligjshme, u rreit me 6%. Emgrimi i paligjshëm i shtetasve shqiptarë vijon të jetë më i larti ndër vendet e Ballkanit. Numri i shqiptarëve të cilët përdorën dokumente të rreme, përfshirë pasaporta të Bashkimit Europian, u rrit me 64% .Numri i kërkesave për azil është ulur për të 4-in vit radhazi me 18.555 aplikime për 2019, krahasuar me 19.615 një vit më parë. Pavarësisht trendit zbritës, Shqipëria mban vendin e parë për kërkesat për azil, në mesin e shteteve të Ballkanit Perëndimor. Për çerekun e parë të 2020-ës, janë shënuar 44% më pak kërkesa për azil, krahasuar me të njëjtën periudhë të një viti më parë, thuhet në raport. Si rezultat i bashkëpunimit për riatdhesimet, kthimi i shtetasve shqiptarë në 2019-ën është ulur me 50%“, thuhet në raport.
Përsa i përket krimit të organizuar, raporti vlerëson se grupet kriminale shqiptare, janë tepër aktive në kufijtë e BE.
“Grupet kriminale shqipfolëse brenda kufijve të BE janë tepër aktive. Sipas Europol, shtetasit shqiptarë janë në mesin e rasteve të shtetasve jo europianë, të cilët janë të dyshuar për krime të rënda. Ata janë përdoruesit më të mëdhenj të dokumentave false për zonën Schengen nëpërmjet udhëtimeve ajrore“, thuhet në raport.
Njëkohësisht raporti vlerëson punën e autoriteteve për goditjen e kanabisit, ndërsa theksohet se shumë pak raste të zbuluara janë dënuar. Në raport përmendet edhe akti normative KÇK i miratuar nga qeveria në janar të 2020-ës. “Në janar të vitit 2020, qeveria shqiptare miratoi një paketë legjislative për të prezantuar masat parandaluese për të forcuar luftën kundër korrupsionit, krimit të organizuar dhe terrorizmit, duke u përqendruar në veçanti në sekuestrimin dhe konfiskimin e pasurive kriminale“, thuhet në raport.
Raporti ka prekur edhe çështjen e pastrimit të parave, duke thënë se numri i të dënuarve është ende i ulët. “Numri i dënimeve për pastrim parash vijon të jetë i ulëtm ndërsaka hetime paralele për financimin e terrorizmit”, thotë raporti.
