Me mikun tim Bujar Qamili
Nuk ka asnjë instrument në botë që është 100% i intonuar dhe kjo e bën muzikën edhe më interesante. Vetëm kompjuteri nuk stonon.
Karriera e Bujar Qamilit ka filluar shumë kohë më përpara se programi i parë i korrektimit të stonaturës (auto-tune) të shpikej në vitin 1997. Studiot më përpara nuk e kanë patur mundësinë për të korigjuar këto probleme.
E vetmja metodë ka qenë që të këndohet përsëri në momentin e stonaturës.
Çdo këngë, apo melodi që krijohet është e bazuar në një bosht, apo në një notë bazë ku fillon dhe mbaron melodia, e cila quhet tonalitet bazë rreth të cilit vërviten notat me ulje-ngritjet e tyre.
Stonatura është pjesë e aktivitetit muzikor, d.m.th. kur një këngëtar stonon pak, kënga del më e bukur, e megjithatë Bujari është Bujar.
Pra lind pyetja? Si ka mundësi që Bujari ka fituar kaq shumë famë?
Ndërkohë Shkodra ka qenë dhe është gjithmonë një pasuri e artë në prodhimin e këngëtarëve të shquar dhe famoz.
Megjithatë Bujari falë timbrit të zërit, energjisë së tij, aftësive skenike, fatit, mjeshtrave që kanë bashkëpunuar me shumë përkushtim, etj, etj, arriti të jetë në majat e muzikës në këngët popullore qytetare.
Është vështirë të krijohet një Bujar i dytë. Bujari është si një instrument që ka tingull të bukur e të veçantë që nuk ke nevojë të përdorësh teknikë të lartë për ta bërë të dëgjohet bukur.