BORXH TA KAM UNË KANGEN TY
Lum për ty na moj vllazni,
Për shkodran je melodi,
Për rekordet që ke thy,
Borxh ta kam unë kangen ty.
Në futboll ti gjithë jeten,
Si tërmet e ke tund rrjeten.
Loja jote rrjedh si lum,
Dasem bahet në stadium.
Moj vllazni, vllaznia jonë,
Je frym’marrje n’zemren tonë.
Ti gjithmonë k’naqsi na jep,
Ke përkund futbollin n’djep.
Vrulli jot porsi rraket,
Gjithmonë topin e çon n’rrjetë.
Art e kena na futbollin,
Tundet Shkodra kur ban golin.
Moj vllazni na ban krenar,
Se herë zen vendin e parë.
Gjaku n’zemër ne na vlon,
Kur ti kupen e fiton.
Bahet uji si raki,
Kur fiton ti moj vllazni.
Sa herë shtrohet tavolina,
Ti për ne je ambëlsina.
Sa herë marrim n’dorë dolli,
Çojmë një gotë për ty vllazni,
Edhe fmija qumsht tuj pi,
E ka n’djep emrin vllazni.
Ramazn Çeka