Kryeministri Edi Rama mëngjesin e sotëm u prezantoi shqiptarëve se si do të duket në të ardhmën hekurudha Tiranë-Rinas-Durrës.
Në video shihet një hekurudhë bashkohore e cila sipas Ramës, është një projekt shumëvjecar mes Komisionit Europian dhe Bankës Europiane për Rindërtim e Zhvillim.
Por kryeministri ka bërë një “gafë!”
Projekti i prezantuar nga kryeministriRama si hekurudha e ardhshme Tiranë-Rinas-Durrës është një projekt në Katar, “Doha Metro Train”, i punuar rreth 5 vite më parë.
Kjo gjë është lehtësisht e verifikueshme, pasi mund të shikoni qartë që videoja e postuar nga kryeministri është pjesë e videos në plotë në Katar.
“Gafa” të tilla janë bërë dhe më herët nga stafi i kryeministrit Rama, të cilët në përpjekje për të prezantuar sa më mirë punën e qeverisë, e kanë nxjerrë bllof atë.
