Teksa protestat kundër projektit të Zvërnecit vijojnë, kryeministri i vendit Edi Rama, ka zgjedhur të reagojë sërish në rrjetet sociale.
Këtë herë, ai ka publikuar pamje nga tubimi përpara selisë qendrore të PS-së, duke vënë në dukje fjalorin mjaft banal dhe sharjet që turma e grumbulluar ka drejtuar ndaj tij dhe bashkëpunëtorëve të tij politikë.
“Fali o Zot se s’dinë çfarë bëjnë”, shkruan Rama teksa vijon duke i quajtur “miq të ftuar që si nazistët kthyen Gjermaninë në thertore”.
“MYSAFIRËT E PAFTUAR TË NATËS NË SELINË E PARTISË SOCIALISTE
“Shqipëria e shqiptarëve” dhe këto çeta kinse shqiponjash që ulërasin kësisoj rrugëve, të kujtojnë “Gjermaninë e gjermanëve” me ata ulëritësat e verbër si këta mysafirët e natës tek selia e PS, që e kthyen Gjermaninë në thertoren e hebrenjve dhe e katandisën në delen e zezë të planetit.
Po meqë Gjermania naziste është larg dhe zëre se i kam përpara syve urrejtjenxitësit e këtyre të rinjve pa busull duke u thënë, “ju s’jeni nazistë ju jeni patriotë, prandaj jepini fort gojës së shthurrur se do ta djegim Shqipërinë e tradhëtarëve”, po shtoj që kjo “Shqipëria e shqiptarëve” është tëpkë si “Greqia e grekëve”, ajo e atyre çakejve të Agimit të Artë që donin t’i digjnin të gjallë “tradhëtarët” e Greqisë bashkë me shqiptarët, të cilët sipas tyre po merrnin punët e paratë e popullit grek
Çuditërisht edhe ata ishin kundër investimeve e resorteve cilësore, me të vetmin ndryshim se këta “shqiptarët tanë të vërtetë” nuk kishin gisht në kuturisjen e atyre, kurse ata kanë gishtin e tyre në kuturisjen e këtyre
Fali Zot se s’dinë se ç’bëjnë thuhet në këto raste”, shkruan Rama.
https://www.facebook.com/plugins/video.php?height=476&href=https%3A%2F%2Fwww.facebook.com%2Freel%2F4025348450932124%2F&show_text=false&width=265&t=0
