‘Deti’, Rama i kthehet ‘sy më sy’ Bakojanis: Totalisht e pavërtetë se Turqia ndërhyri në rrëzimin e paktit në 2009! S’e njihja fare Erdogan
Marrëveshja e ‘Detit’ me Greqinë vijon të jetë një nga temat më të nxehta, e cila është diskutuar edhe sot në vizitën e kryeministrit Edi Rama në shtetin fqinj.
Rama në fund të fjalës së tij ka bërë dhe një replikë kundrejt ish-ministres së Jashtme Dora Bakojanis, ku prerazi tha se në rrëzimin e marrëveshjes së Detit në 2009 nga Gjykata Kushtetuese, nuk ka ndërhyrë Turqia.
Rama ka thënë se në atë kohë se njihte fare Erdogan dhe se është totalisht e pavërtetë që marrëveshja u parandalua nga Turqia.
“Nuk kisha folur dhe dëgjuar në atë kohë për Erdogan, i cili atëherë ishte kryeministër. Kishte një debat të madh në Shqipëri. Unë thash e cojmë në Gjykatë, ajo i ka të gjitha instrumentet. Ideja, e kam dëgjuar në Shqipëri, nga autoritete të larta të së shkuarës që kjo është një marrëveshje që është parandaluar nga ndërhyrja e Turqisë. Kjo është absolutisht e pavërtetë. Dhe mund ta them, që asnjëherë, në asnjë takim me Erdogan që kjo marrëveshje është e ndonjë interesi politik. Kjo është e vërteta. Na duhet që të qartësojmë. Ti largojmë këto lloj idesh se ndikojnë në qëndrimet tona ndaj njëri-tjetrit”, tha Rama.
