Rama dhe Basha “zihen” për detin/ Vazhdojnë replikat në distancë, e ke ti, e kam unë përgjegjësinë

Kryeministri Edi Rama ka vijuar replikat me liderin e opozitës Lulzim Basha, lidhur me çështjen e ndarjes se detit me Greqine. Basha i kërkoi kryeministrit Rama te bente transparence lidhur me nivelin e bisedimeve me shtetin fqinj. “Po ta përsëris Edi Rama, bëj transparencë e mos u fshih pas gërrvërreve bajate. As servilët e fundit që të kanë mbetur nuk qeshin me to. Nuk je thjesht i lagur, je i mbytur në detin e marrëveshjeve të fshehta në kurriz të shqiptarëve”- shkruante Basha.
Pas këtij komenti ka ardhur dhe reagimi i kryeministrit Rama, i cili shkruante se negociatat me Greqinw janw ndalur qw nw momentin e ndryshimit tw qeverive nw vendin fqinj. “Negociatat Lulëzim janë ndalur prej kohësh,që pas ndryshimit të qeverive në Greqi! S’ka asnjë të re nga ai front, përveç dallgëve të ligësisë e padijes! Po ti mos bëj sikur nxehesh,se s’ta kam unë fajin kur bën sikur s’je ti që e firmose atë marrëveshjen e famshme që rrëzoi GJK! Për çfarë transparence e ke fjalën Lulëzim, kur s’ka as marrëveshje, as negociata qysh se ka ndryshuar qeveria në Greqi, ndërkohë që as me qeverinë e mëparshme marrëveshja s’është arritur?!Ti do teatër vëlla që të zbavisësh ata që të vijnë në shfaqje, të kuptoj, lum ti medet ata!”-shkruante Rama.