Kryeministri Edi Rama ka bërë një premtim, duke u shprehur se në momentin që Bashkimi Europian të shpërndajë vaksina anti-COVID, Shqipëria do të marrë më shumë nga vendet e tjera.
Në një intervistë për emisionin “ZGJEDHJE 2021 në V+”, Rama bëri premtimin live duke kërkuar që të gjithë ta mbajnë mend, për ta ballafaquar.
“E kam shigjetuar BE, dhe kur të shpërndajë për rajonin unë do t’i marr më shumë se të tjerët. Mbaje mend se ça po të them. Se nuk kam shigjetuar BE, se jam europian. Mysliman, europian. S’ka ndonjë problem t’ju kujtohet edhe Erdogani. Nuk vë asnjë, po asnjë. Le të ketë kush të dojë nuk e vë mbi veten timë si europian. S’më ndalon dot njeri të them mendimin tim. Këto gjëra nuk e ulin Shqipërinë. BE nuk është Komitetit Qendror por tregojnë respektin që ke për vete. Se po nuk e respektove veten kur ulesh me këta të mëdhenjtë të tjerët nuk të llogarisin fare,”-tha Rama.
