Disa imazhe të reja satelitore kanë zbuluar se Koreja e Veriut po zgjeron një strukturë të aftë për të pasuruar uranium për armë bërthamore.
Pamjet e marra nga CNN, tregojnë një strukturë e cila tregon se vendi po planifikon të rrisë ndjeshëm prodhimin e uraniumit në vend, sipas ekspertëve që analizuan fotot.
Imazhet e kapura nga kompania komerciale e imazheve Maxar në fillim të kësaj jave tregojnë se ndërtimi është duke u zhvilluar në një fabrikë të pasurimit të uraniumit të vendosur brenda kompleksit të objektit të kërkimit bërthamor Yongbyon. Këto ndryshime mund të lejojnë Korenë e Veriut të rrisë prodhimin e materialit bërthamor të shkallës së armëve deri në 25 përqind.
Zyrtarët amerikanë janë të vetëdijshëm për aktivitetin e fundit në uzinën e pasurimit të uraniumit në Yongbyon dhe pranojnë se këto zhvillime mund të sinjalizojnë plane për të rritur prodhimin e uraniumit të armëve, sipas dy burimeve të njohura me situatën.
