Sot përfunduan pushimet për grupin parlamentar të Partisë Socialiste. Pasditen e sotme, numri një i të majtës mblodhi “të besuarit” e tij në Elbasan. Në takimin kryeministri Edi Rama ka nisur të japë porositë për nisjen e fushatës elektorale për zgjedhjet e 2021.
Takimi i socialistëve u zhvillua në “Fish City”, në një prej bizneseve më të kontestuara të zonës së Elbasanit. Pak kohë më parë banorët e fshatit Labinot dolën në protestë kundër pronarit Gjergj Luca.
Kjo mbledhje e Ramës me deputetët ka prodhuar disa lëvizje për drejtuesit e rinj në qarqe. Sipas informacioneve mësohet se Rama do marrë drejtimin politik të qarkut Durrës, duke larguar Vangjush Dakon. Ndërkohë në Shkodër, qark që prej kohësh ka qenë pa drejtues nga sot do jetë në duart e Ilir Beqajt.
Po ashtu mësohet se sot është vendosur që Asambleja e PS të mblidhet neë datën 4 shtator. Pas mbledhjes me dyer të mbyllura, Rama ka mbajtur një fjalë publike para deputetëve dhe ka kërkuar nga ata reflektim dhe ndezjen e motorëve për mandatin e tretë.
Lëvizjet e PS për drejtuesit në qarqe
Tirana: Elisa Spiropali, Evrin Bushati, shtohet dhe Erion Veliaj
Durrës: Shkon vetë Edi Rama, largohet Vangjush Dako
Shkodër: Vendohet Ilir Beqaj
Kukës: Emërohet Safet Gjici
Lezhë: Ikën Sandër Lleshaj, emërohet Lindita Nikolla
Dibër: Olta Xhaçka
Elbasan: Taulant Balla
Korçë: Niko Peleshi
Fier: Gramoz Ruçi
Vlorë: Damian Gjiknuri
Gjirokastër: Bledi Çuçi
