Presidenti Meta shpreh dhimjen për ndarjen nga jeta të ish-kryetarit të bashkisë Përmet

“Dita sot nisi e trishtuar me lajmin e ndarjes nga jeta të Dhimitër Nasit, kryetarit të parë të Bashkisë së Përmetit pas triumfit të demokracisë në Shqipëri!
Ndihem i keqardhur për ndarjen, por dhe i nderuar që e pata nga miqtë më të mirë!
Familja Nasi humbi njeriun e shtrenjtë, Përmeti përcjell kryetarin e devotshëm, shoqëria u nda nga një qytetar me cilësi të rralla dhe Shqipëria ka nga sot një intelektual të përkushtuar më pak në kohën kur ka më shumë nevojë për shembuj si i Dhimitrit!
Ngushëllimet më të ndjera familjes, përmetarëve dhe miqve të tij kudo!
U prehtë në paqen e përjetshme shpirti i tij fisnik!