Ceremoni përkujtimore në kuadër të 10-vjetorit të rënies në krye të detyrës të efektivit të Policisë së Shtetit Vasil HYSI.
Drejtoria Vendore e Policisë Fier, në kuadër të 10-vjetorit të rënies në krye të detyrës së ish-punonjësit të policisë Vasil Hysi, ka zhvilluar një ceremoni përkujtimore në nderim dhe mirënjohje të veprës së tij.
Të pranishëm në këtë ceremoni e cila u zhvillua në fshatin Grecalli, Fier, ishin familjarët e të ndjerit dhe punonjës policie të DVP Fier të cilët vendosën kurora me lule në vlerësim të kontributit të tij.
Akti sublim i Dëshmorëve të Policisë ndër vite, përbën një motiv më shumë për çdo punonjës të Policisë së Shtetit, për të vijuar me vendosmëri punën dhe përpjekjet në garantimin e rendit dhe sigurisë, në shërbim të komunitetit.
