Po udhëtonin me shpejtësi, mjeti humb kontrollin dhe përplaset me shtyllën, plagosen rëndë dy të rinj

Një aksident i rëndë është regjistruar pak minuta më parë në lagjen periferike të qytetit,në lagjen “Uznovë”. Një mjet, tip Audi A 80,me targa AA 135 BZ,duke udhëtuar me shpejtësi në drejtim të qytetit,ka humbur kontrrollin dhe është përplasur me shtyllën. Pas përplasjes me shtyllën,mjeti që drejtohej nga dy të rinjtë ka përfunduar i përplasur me murin ndarës të një shtëpie në anë të rrugës. Përplasja ka qënë shumë e fortë dhe të rinjtë u nxorrën nga mjeti me vështirësi nga punonjësit e Repartit Zjarrëfikës,që mbërritën në vendngjarje pak minuta pas aksidentit së bashku me forcat e policisë. Drejtuesi i mjetit N.Xh,30-vjeç dhe pasagjeri 27-vjeçar që udhëtonte në të njëjtin mjet,janë dêrguar në Spitalin Rajonal të Beratit në gjendje të rëndë dhe janë nën kujdesin e mjekëve. Burimet policore në vendngjarje konfirmojnë se,aksidenti ka ndodhur për shkak të shpejtësisë jashtë normave të lejuara me të cilën po udhëtonin dy të rinjtë,në momentin kur humbën kontrrollin dhe u përplasën.