Deputeti i Partisë së Lirisë, Petrit Vasili, u shpreh se aksioni opozitar do të ketë një intensifikim në rritje.
Në një intervistë për Ora News, ai tha se tashmë Rama është i frikësuar dhe në panik sepse opozita nuk bën me kompromise, pasi Bash nuk është më në krye të PD-së.
Vasili: “Do të ketë një intensifikim, por unë nuk jam në gjendje tu them një datë konkrete. Vendimet do të jenë të njëpasnjëshme dhe do të e të një frymë rritëse dhe nuk do të ulet në asnjë rast. tashmë ka një opozitë që lufton në mënyrë ballore dhe nuk ka më lidershipin e dikurshëm të PD-së, ku Lulzim Basha shiti opozitarizmin në vend. Kjo opozitë nuk ka kompromis dhe nuk ka më lidershipin e shëmtuar të dikurshëm të PD-së. Kjo i ka futur frikën dhe panikun qeverisë.
Qeveria e sheh veten me orë dhe minuta të numëruara, sepse nuk ka mundësi që ta shesë dhe ta blejë opozitën. Ky është një shtet armik i qytetarit të thjeshtë, ky pra është shteti i Edi Ramës. Ne pamë edhe institucionet që janë të shitura që janë nën akuza të rënda. Autoriteti i Dosjeve guxoi që të hapë pa ligj dokumente sekrete. Lidhi emrin e ish-presidenti Meta me njerëz që nuk kanë lidhje me të”, shprehet Vasili.
