Reshjet e pandërprera dhe të dendura të shiut kanë përmbytur sërish zonën e Murqinës dhe Mallkuçit. Për pasojë gjatë natës lumi Ishëm ka dalë nga shtrati. Dhjetëra hektarë tokë bujqësore janë nën ujë, së bashku me disa banesa në këto dy fshatra.
Gjithashtu të përmbytura janë dhe kanalet kulluese, duke bllokuar disa rrugë. Niveli i ujit në lumin Gjole ka arritur në kuotata maksimale. Situata mund të përkeqësohet nëse reshjet vijojnë me këtë intensitet.
