DVP Fier
Arrestohen në flagrancë 2 shtetas, një për kundërshtim të punonjësit të policisë, dhe një për kultivim të bimëve narkotike. Shpallet në kërkim një tjetër.
Specialistët për Hetimin e Krimeve në Komisariatin e Policisë Fier, arrestuan në flagrancë shtetasin:
K. M., 18 vjeç, banues në Patos.
Në vëndin e quajtur “Kthesa e Patosit”, ky shtetas duke drejtuar automjetin tip “Lexus”, është ndaluar nga punonjësit e Forcës së Posaçme Operacionale dhe i ka kundërshtuar duke mos i dhënë dokumentacionin e mjetit të tij.
18-vjeçari është larguar me shpejtësi dhe ka goditur 2 mjete tip “Benz” dhe “Ford” të parkuara në një lavazho.
Materialet i kaluan Prokurorisë pranë Gjykatës së Shkallës së Parë Fier për veprën penale “Kundërshtimi i punonjësit të policisë së rendit publik”.
Shërbimet e Komisariatit të Policisë Mallakastër, në vijim të kontrollit të pandërprerë të territorit, me qëllim evidentimin dhe goditjen e tentativës së kultivimit të bimëve narkotike, gjatë kontrollit të ushtruar në fshatin Lofkënd, në tokën në pronësi të shtetasve A. K dhe D. K, kanë konstatuar të kultivuara bimë narkotike Canabis Sativa.
Specialistët për Hetimin e Krimeve në Komisariatin e Policisë Mallakastër arrestuan në flagrancë shtetasin A. K., 40 vjeç dhe shpallën në kërkim vëllain e tij, shtetasin D. K., 29 vjeç, për veprën penale “Kultivimi i bimëve narkotike”.
Materialet i kaluan Prokurorisë pranë Gjykatës së Shkallës së Parë Fier për veprime të mëtejshme.
