Tregu i zi i armëve e municioneve duket se është në lulëzim, ndërsa vendi është përfshirë nga një valë ngjarjesh të rënda kriminale. Tre persona u arrestuan në Durrës pasi prodhonin e shisnin për 3000 euro mina të komanduara me celularë. Në harkun e 3 ditëve në Durrës janë kapur 6 trafikantë të eksplozivit dhe municioneve.
Tre prodhues të minave me telekomandë u arrestuan në Durrës me tre bomba të lidhura me celular të gatshme për përdorim për ngjarje kriminale.
Ilir Alliu, 47 vjeç, Bledar Çakalli, 31 vjeç dhe Edmond Bardhi, 37 vjeç, të tre lindur në Dibër dhe banues në Sukth, u vunë në pranga në kuadër të operacionit policore “Muzeu”.
Agjensitë kishin marrë informacion se ata prodhon dhe tregtonin mina me telekomandë në qytetin e Durrësit, kundrejt shumës 2500-3000 euro copa, ndaj u kanë ngritur kurth.
Një agjent infiltruar i policisë së Durrësit, sipas burimeve ka bërë porosinë për minat dhe në momentin kur tre prodhuesit janë paraqitur për ti dorëzuar, blutë i kanë vënë në pranga.
