🇦🇱🇬🇷
Mësojmë gjuhën shqipe, gjuhën e NËNËS,
në Patra të Greqisë për të 15-të vit radhazi !!
………………………………………………………………………………………………………………………..
Të dielën e 16 Tetorit 2022, u zhvillua ceremonia e çeljes së shkollës “Naim Frashëri” Patra- Greqi për vitin shkollor 2022-2023.
Morën pjesë mësues , nxënës, prindër dhe të ftuar dashamirës të kësaj shkolle .
Fjalën përshëndetëse të hapjes e mbajti mësuesja Jeta Shehu, (në pamundësi të pjesëmarrjes së drejtorit të shkollës z. Iliaz Bobaj), ku falenderoi të gjithë pjesëmarrësit dhe iu uroi atyre një vit të mbarë shkollor.
Mandej përshëndeti në emrin e shoqatës “Emigranti” Patra, kryetarja dhe mësuesja e shkollës znj. Kristiana Veliu, e cila u bëri thirrje të gjithë prindërve shqiptarë në Patra, të bëhen pjesë e këtij misioni fisnik dhe atdhetar, duke mbështetur fuqishëm edhe përpjekjet kaq vjecare të Stafit Pedagogjik të kësaj shkolle.
Edhe pse në pamundësi për të marrë pjesë në këtë ceremoni shumë nxënës edhe mësues, u dëgjuan mendimet e prindërve dhe të nxënësve për mbarëvajtjen më me sukses në këtë vit shkollor.
Ftojmë të gjithë nxënësit që aderojnë në shkollën tonë, si dhe nxënësit e rinj , ku për herë të parë do të marrin në duar ABETAREN shqipe, ditën e diel më datë 23 Tetor 2022, ora 16 00 deri në 18 00 të fillojmë mësimin e gjuhës MËMË.
