Vdekja e mësuesit nga Pogradeci prej COVID-19, Shahini apel: Të shtohet kujdesi duke ndërmarrë çdo masë parandaluese.
Ministrja e Arsimit, Besa Shahini ka shprehur ngushëllimet familjes së mësuesit 47- vjeçar nga Pogradeci që ka ndërruar jetë sot tek COVID-2 pasi u infektua.
Shahini në prag të fillimit të vitit shkollor ka bërë një apel për të gjithë që të shtojnë kujdesin dhe të ndërmarrin çdo masë parandaluesuese për frenimin e COVID-19.
Po ashtu ajo bën thirrje të zbatohet me seriozitet protokolli shëndetësor për shkollat dhe çdo rregull tjetër.
STATUSI NGA BESA SHAHINI
Ndihem shumë e keqardhur për mësuesin tonë nga Pogradeci që ka humbur jetën nga COVID-19 dhe i shpreh ngushëllimet më të sinqerta familjarëve, nxënësve dhe kolegëve të tij.
Me këtë rast, apeloj fort sërish që të shtojmë kujdesin duke ndërmarrë çdo masë parandaluese për frenimin e koronavirusit, si dhe duke zbatuar me seriozitet çdo rregull e protokoll shëndetësor që ka në thelb mbrojtjen e shëndetit tonë.
