Pas arrestimit të 22-vjeçarit, Endri Zajës, i cili para disa ditësh aksidentoi një të moshuar italiane në Durrës dhe gjithashtu i kërkuar për disa vjedhje në dyqane, është arrestuar dhe një vajzë, e cila akuzohet se ka përkrahur 22-vjeçarin.
NJOFTIMI I POLICISË:
Durrës Në vijim të informacionit të dhënë për arrestimin e shtetasit E. Z., 22 vjeç, ju informojmë se: Specialistët për Hetimin e Krimeve në Komisaristin e Policisë Durrës, në vijim të hetimeve të kryera arrestuan në flagrancë shtetasen A.B., 22 vjeçe, banuese në Durrës, për veprën penale “Përkrahja e autorit të krimit”. Materialet i kaluan Prokurorisë së Rrethit Gjyqësor Durrës, për veprime të mëtejshme.
Endri Zaja u prangos ditën e sotme në Durrës, duke bërë plazh. Ai dyshohet se ka vjedhur dy markete në pronësi të dy personave, me iniciale V.M., dhe M.M.. Katër ditë më parë ai, teksa drejtonte mjetin tip “Toyota” përplasi një 74 vjeçare italiane dhe bashkëshortin e saj. Gruaja ‘fluturoi në ajër’ bashkë me të shoqin, ndërsa i riu u largua me shpejtësi nga vendi i ngjarjes. Të moshuarit ndodhen në gjendje të mirë shëndetësore, ndërsa Zaja do të përballet me drejtësinë.
