Operacioni anti-drogë në Shqipëri, Itali dhe Gjermani; Policia prangos edhe një 30-vjeçar, shkon në 6 numri i të arrestuarve në Vlorë.
Një operacion i madh anti-drogë është zhvilluar njëkohësisht në Shqipëri, Itali dhe Gjermani, ku në pranga kanë rënë shumë persona.
Policia e Shtetit bën me dije se është arrestuar edhe një person tjetër sot në Vlorë, duke shkuar në 6 numri i të arrestuarve në këtë qytet.
I arrestuari ditën e sotme është Andi Veshaj 30 vjeç, banues në Vlorë.
Arrestimi i tij u bë pasi edhe ky shtetas, ashtu si 5 shtetasit e tjerë të arrestuar mëngjesin e djeshëm, ishte shpallur në kërkim ndërkombëtar nga Interpol Roma, Itali, pasi Gjykata e Romës, Itali, ka lëshuar urdhër-arrestin për kryerjen e veprës penale “Organizatë kriminale me qëllim trafikun e narkotikëve”.
Njoftimi i plotë:
Vijon operacioni ndërkombëtar antidrogë i koduar “TIBUS”.
Shkon në 6 numri i personave të arrestuar.
Në vijim të operacionit “TIBUS”, në Vlorë, është kapur nga FAST Albania, FNSH, strukturat e DVP Vlorë dhe Interpol Tirana, një shtetas tjetër, i cili u arrestua me qëllim ekstradimi drejt Italisë, konkretisht:
A. V., 30 vjeç, banues në Vlorë, Shqipëri.
Arrestimi i tij u bë pasi edhe ky shtetas, ashtu si 5 shtetasit e tjerë të arrestuar mëngjesin e djeshëm, ishte shpallur në kërkim ndërkombëtar nga Interpol Roma, Itali, pasi Gjykata e Romës, Itali, ka lëshuar urdhër-arrestin për kryerjen e veprës penale “Organizatë kriminale me qëllim trafikun e narkotikëve”.
Interpol Tirana, në bashkëpunim me Interpol Romën dhe agjencitë e tjera ligjzbatuese, vijon procedurat për ekstradimin e këtij shtetasi drejt Italisë.
Kujtojmë që dje u arrestua Eriseld Nelaj, Albano Jazaj, Dionis Maskaj, Zigur Aliaj dhe Rezart Elmazaj.
