Dhjetë persona të shpallur në kërkim për vepra të ndryshme penale, janë vënë në pranga pasdisten e sotme, mes tyre dhe Edison Begaj, 38-vjeccari që i shpëtoi një atentati mbrëmjen e 29 majit.
Mësohet se të arrestuarit janë prangosur në kuadër të një opercioni ‘blic’ të zhvilluar në zonën e Lungomares në qytetin bregdetar të Vlorës. Në fokus të këtij operacioni është pikërisht arrestimi i personave të shpallur në kërkim dhe i atyre që qarkullojnë me armë zjarri e që njihen si ‘problematikë’ në zonë.
Ende nuk dihen rrethanat e arrestimit të Begajt, por mësohet se të riut i është gjetur një armë zjarri. Identitetet e nëntë personave të tjerë që janë prangosur, apo veprat penale për të cilat akuzohen, nuk dihen ende.
Kush është Edison Begaj?
Edison Begaj është 38-vjeçari që i shpëtoi atentatit që iu bë në sy të fëmijëve më 29 maj. Një person i veshur me uniformë policie i zuri pritë ndërkohë që ai po udhëtonte me makinë më fëmijët e tij. Sapo Begajt zbriti nga mjeti u përball me plumbat, skenë që u pa dhe nga fëmijët e tij. Për autorët e atentatit nuk dihet ende asgjë, dhe deri më tani është gjetur vetëm makina e djegur. Shkaqet mendohet të kenë qenë pazaret e drogës.
Begaj ka qënë i dënuar për drogë më 7 vite e 6 muaj burg në shkurt të 2008, ndërsa është bërë edhe subjekt i OFL-së në lidhje me pasurinë e tij.
