Dy shqiptarë të Kosovës u ndaluan në fundjavë nga policia rrugore, pasi radari i pikasi ata me një shpejtësi më shumë se dyfishin e asaj që është e lejuar në aksin Fier-Vlorë.
Një Lamborghini dhe një BMW fluturuan para policisë me 225 kilometra në orë por u ndaluan pak çaste më pas dhe të dy morën gjoba të majme.
Emigrantët shqiptarë, tashmë do të duhet të paguajnë nga xhepi i tyre jo vetëm gjobën përkatësisht 1.6 milion dhe 1.2 milion lekë të vjetra, por edhe qiranë e makinave.
Targat zvicerane të automjeteve kanë tërhequr vëmendjen e gazetës Blick, që kanë zbuluar detaje lidhur me pronësinë e makinave super luksoze, raporton Newsbomb.al.
Ato shkruajnë se Lamborghini ishte marrë me qira në Zvicër nga një 40-vjeçar nga Kosova. E për sa i përket BMW-së, makina rezulton se është në pronësi të një kompanie pastrimi në Zvicër, pronari i të cilës nuk pranoi të komentojë për mediat zvicerane.