Emri i kolegut të ndjerë Andrea Stefani, do të përjetësohet në një shkollë të re të kryeqytetit. Është fjala për një shkollë të re 9-vjeçare që ndodhet tek rreth-rrotullimi i Shpiponjës. Kryebashkiaku i Tiranës, Erion Veliaj ndërsa ka publikuar detaje nga shkolla më e re në Tiranë, ka bërë të ditur se ajo do të mbajë emrin e gazetarit dhe analistit Andrea Stefani, i cili u nda nga jeta afro katër vjetë më parë. “E dizenjuar nga @StefanoBoeri do jetë 9 vjeçare me para-shkollor për 1,000 nxënës & do mbajë emrin e gazetarit të drejtë e të ndershëm “Andrea Stefani”” shkruan zoti Veliaj me këtë rast.
