Tre lloje pakosh u përdorën për të fshehur e mbështjellë 143 kg kokainë brenda konteinerit i cili erdhi nga Ekuadori në Durrës.
Pakot lexonin ‘’El Mejor’’ ose në shqip Më e mira, shoqëruar nga fotoja e Pablo Escobar, ‘’Viejon’’ që në shqip do të thotë i moshuari, dhe ‘Brater’ që përkthehet vëlla.
Ngarkesa kishte si detinacion firmën ‘’Masabi Fruits’’ në Kombinat të administratorëve Klajdi Xibraku dhe Erjon Peti, që të dy të arrestuar
Policia e Shtetit ka dhënë informacion zyrtar në lidhje me 143 kg kokainë të sekuestruar sot në një kontejner me banane në Portin e Durrësit, i cili ishte nisur nga Ekuadori.
Policia deklaron se ka arrestuar dy administratorët të cilët ishin pritësit e kontejnerit ku ndodhe lënda narkotike.
Konkretisht, kontejneri nisur nga porti i GUAYAQUIL në Ekuador dhe kishte kaluar tranzit në portin “GIOIA TAURO”, Itali, me destinacion Shqipërinë, për llogari të një firme me qendër në Tiranë.
Në vijim të veprimeve, nga Seksioni për Hetimin e Narkotikëve në DVP Durrës u arrestuan në flagrancë shtetasit Klajdi Xibrak 30 vjeç dhe Erion Petini 42 vjeç, të dy banues në Tiranë.
Nën drejtimin e Prokurorisë së Rrethit Gjyqësor Durrës vijon puna për dokumentimin e plotë të kësaj veprimtarie kriminale dhe kapjen e autorëve të tjerë të përfshirë në këtë veprimtari kriminale. Materialet i kaluan Prokurorisë së Rrethit Gjyqësor Durrës, për veprime të mëtejshme.
