Sot Rama, pasi lavdëroi veten si dhe i dhunoi shqiptarët psikologjikisht me shprehjen e tij mbi 8-vjeçare, ‘se ai nuk është më i mirë, por më të mirë se ai nuk ka’, duke ia përcjellë këtë popullit si një shenjë kërcënimi se do të mbeteni në mëshirën e fatit, nëse nuk e votojmë dhe t’i japim një mandat të tretë.
Me këto jemi mësuar prej gati 8-vitesh, por kur të gjithë prisnim emra të rinj, prurje të reja, vetë lartmadhnia e tij, na prezanton me drejtuesit e 12 qarqeve, ‘asgjë e re nga Fronti i Perëndimit’.
Në vitin 2013, përballë një mazhorance që kishte çdo gjë në dorë dhe më 2017, ku kishte një pjesë të mirë të socialistëve të zhgënjyer, në Tiranë kishte vetëm 1 drejtues, dhe pse me 1 të vetëm, PS-ja arriti rezultate shumë të mira, më të lartat në gjithë këto vite pluralizëm. Pas 8-vitesh pushtet Rama e ‘blindoi’ Tiranën me 3 kandidatë, duke i shtuar edhe Lalin e Bashkisë.
Në Shkodër në vend të Ditmir Bushatit ka vënë hajdutin e shekullit në Shëndetësi, Ilir Beqjan, pas dështimeve që pati në Dibër dhe Kukës.
Në qarqet e tjera janë po të njëjtët fytyra që bredhin në çdo zgjedhje nga qyteti në qytet, nga veriu në jug, pasi iu del boja në këtë qytet kalojnë në tjetrin.
Thellë-thellë, brenda meje kisha një fije shprese, se PS, ekziston akoma, me padurim prisja të shikoja kush do të jetë në Kukës, por u zhgënjeva, përsëri.
Epo aty i dhashë të drejtë shprehjes ‘mos beso më të njëjtin person, nëse të ka zhgënjuar njeherë do ta bëjë përsëri’. Në drejtim të Kukësit kishte vënë po të njejtin injorant, Safet Gjicin.
Më falni që po i vë këtë epitet, por do të më duhet një natë dimri, dhe nuk do të më dilte që të rendis idiotësitë e tij.
Në Kukës, askush nuk e do, askush nuk e përkrah, Rama mesa duket, ose nuk do të shikojë realitetin, ose atë e gënjëjnë dhe nuk i tregojnë të vërtetën.
Një thirrje për socialistët e Kukësit: Mos e lini PS-në dhe Kukësin në dorën e Safet Gjicit. Pushteti në dorën e injorantit, bëhet i frikshëm.!..
