Nga Vladimir Muçaj: Për ngjarjen në Spitalin e Vlorës Ministrja Manastirliu duhet të dorëhiqet!
Ngjarja në spitalin e Vlorës i kapërcen kufijtë e kriminales! Më e pakta, Manastirliu duhet të dorëhiqet nga posti! i
Një 70-vjeçar paskërka ndërruar jetë në spital dhe përmbi dy muaj qëndron në morg pa djeni të familjarëve dhe pa asnjë informacion zyrtar për ngjarjen! E bija e të ndjerit sipas raportimeve mediatike çdo ditë i çonte bukë në spital pa ditur kurrfarë gjëje se i ati kishte ndërruar jetë dhe ishte “paketuar” në morg. E tmerrshme! E pabesueshme! Kriminale! Sapo dëgjon këtë që ka ndodhur dhe më idioti në këto botë do prekej do reagonte dhe një sër pyetjesh mund të bënte! Me më “idjotët” do rreshtohesha dhe unë për këtë rast dhe disa pyetje do ti bëja! E para cili është zinxhiri i mjekëve të cilët kanë marrë nën kujdes pacientin i cili tashmë nuk jeton?! Përveç punës si drejtues në spital me çfarë tjetër merret drejtori i spitalit të Vlorës?! Pas ngjarjes bërë tashmë publike, policia e Vlorës dhe strukturat e posaçme të zbatimit të ligjit a kanë lëvizur prej vendit?! Ngjarja nuk do shumë mend për ta klasifikuar tejet të rëndë, tejet shokuese dhe kriminale njëkohësisht! Për ngjarjen në Spitalin e Vlorës le të heqim një paralele me rastin e vrasjes së një të riu në Tiranë nga një uniformë policie. Autori u arrestua ndërsa ministri Sandër Lleshaj atëherë në detyrë bëri dorëheqje. Ngjarjet që krahasova kanë ngjajshmëri, madje do thoja që kjo e Vlorës edhe më e rëndë! Ndaj përvec një hetimi të thelluar për të ndëshkuar autoët përgjegjës Ministrja e Shëndetësisë Manastirliu duhet të dorëhiqet menjëherë nga posti i lartë që mban! Kjo do të ishte shumë pak!…Po po pak dhe shumë pak do të ishte akti i dorëheqjes së zonjës Ministre!..
