Rama zgjedh modelin e punës për Fierin, vulos të ardhmen me Armando Subashin.
Shumica e socialistëve fierakë por jo vetëm ata ishin gjithë sy e vesh dje tek mbledhja e Asamblesë Kombëtare.Vendimarja nga pallati i kongreseve do të thoshte shumë për mjedisin politik brenda së majtës në qytetin e Fierit.Ishin të shumta mëdyshjet dhe dilemat se cili do të ishte fati dhe e ardhmja politike e kreut aktual të bashkisë Z.Armando Subashi por edhe “grupimit” rival dhe dashakeq me protagonistë 3 aktorët e famshëm për publikun (Zeqaj,Dhima,Koçi). Emrat e mësipërm u përfshinë në një fushate të ashpër përbaltjeje dhe njollosje të punëve dhe veprimtarisë së Subashit në qytetin e Fierit duke e sulmuar jo pak gjatë verës që kaluam në mënyrë aspak “fair” dhe të paskrupullt. U munduan me çdo çmim e mjet të dëmtonin me sa mundnin Z.Subashi! Në të gjitha herët dështuan duke u zbythur sa herë shpifnin e trillonin akuza çoroditëse në mjedisin parazgjedhor dhe pas tij! Opinioni publik qytetar fierak me maturi e zgjuarsi u mundua që me mjete të ndryshme komunikimi ti përcillte kryeministrit Rama mesazhin se Fieri duhej medoemos dhe me çdo çmim të vazhdonte rrugën e transformimit rrënjësor urban me vetem një emër , atë të kryebashkiakut aktual Armando Subashi.
Në gjykimin tonë Edi Rama si një nuhatës me instikte politike shumë te zhvilluara kuptoi në një kohë të shkurtër se grupimi i dënglaxhinjve e balthedhësve profesionistë i përkisnin të shkuarës duke mos përfaqsuar askënd nga komuniteti qytetar fierak.
Një rol kyç sipas gjykimit tonë mendohet të ketë pasur edhe kreu në ikje i Parlametit Z.Ruçi i cili për hir të së vërtetës i njohu më nga afër gjithë aktorët politikë brenda se majtës fierake duke patur mjaft të qartë pas proçesit zgjedhor rolin e kontributin e gjithësecilit.
Duket kjo ndikoi që B.Zeqaj pas një rezultati tejet zhgënjyes e turpërues në zonën elektorale të Rroskovecit të lihej tërësisht në hije!Tashmë i mbetur vetëm me këshilltarët defaxhinj dhe ahengdashës periferive të qytetit Zeqaj nuk është më faktor përpunues dhe ndikues në opinionin publik. Kjo jo për “faj” të Partisë së vet sipas këndëveshtrimit tonë, por nga mënyra e sjelljes së të personale në hapsirën politike që atij iu krijua vitin e fundit!
Antoneta Dhima deputetja e zgjedhur dështoi me punësimet e “kaparosura” ne Albpetrol duke mos u perkthyer asnjehere në mbeshtetje dhe masivizim te votave të majta në Patos dhe duke marë mesazhin që kombinimi i maskës me fustanin nuk mjafton për tu faktorizuar në politikë! As fotot e qeshura krah ministrave e pushtetarëve sa herë ata rrotullohen në bazë!
Petro Koçi nje delirant politik që prej shtatorit 2020 kur u rikthye pas një mungese të gjatë disa vjeçare në qytetin e Fierit luajti një rol tejet përçarës duke fabrikuar vetëm skema dështimi i intriga dashakeqe të cilat rezultuan në shumicën e herës fatale për harmoninë dhe klimën brenda strukturave të majta.Mbase ambiciet e tepruara dhe jashtë realitetit për të qënë faktor brenda së majtës i errësuan shumë herë shikimin duke i mjegulluar optikën politike! Gjykimet dritëshkurtëra dhe ndonjë mendje a këshillë e ndonjë plakaruqeje të dalë në pension e kthyen në personazhin kryesor të groteskut politik.
Përballë veprimtarisë dhe projektit të kësaj treshe dallkaukësh Partia Socialiste votbesoi në Asamblenë Kombëtare njerëzit e punës , e seriozitetit dhe arritjeve konkrete duke i lënë të tjerëve llafet dhe intrigat e thurura mejhaneve. Themi kështu sepse e vërteta duhet pranuar dhe thënë me plotë gojën. Fieri ka ndryshuar në qëndër periferi dhe zonat rurale! Thënë shkurt e shkoqur ështe vënë dorë, eshte treguar vemendje pavaresisht se nuk është fundi i suksesit! Pritshmerite e njerezve jane edhe me te mëdha!
Caktimi i Taulant Ballës si drejtues politik i Qarkut Fier ishte një ogur shumë i mirë për të gjithë të majtët në Fier pasi me përvojë dhe profesionalizëm do të ridimensionojë edhe njëherë burimet njerëzore brenda Partisë Socialise Dega Fier! Për sa më sipër shkrova personalisht nuk ndaj të njëjtin mendim e vlerësim qe ka Koçi, Zeqaj, Subashi, Dhima e shumë të tjerë se Qeveritë Rama kanë qenë të sukseshme sikundër më vjen të qesh me një statusin e Petro Koçit shpërndarë dje duke e konsideruar ekip të arrirë e të sukseshëm formatin e qeverise Rama3! Përtej këndëvështrimit tim i perceptuar jo vetëm në gjykimin personal por dhe si një “grumbullues” këmbëngules i opinionit publik përmes kontakteve dhe bisedave te shumta me njerëzit e them pa pikmëdyshje se Edi Rama dhe PS-ja kanë njeriun e duhur në FIER! Ai eshte Armando Subashi!
