Nga Vladimir Muçaj
Dy fjalë për “dezertorët” e LSI-sê!
Këto ditë kemi parë e lexuar disa herë lajme të tipit ‘kaq antarë të LSI-së ikën këtu e ikën atje” duke iu bashkuar Partisë Socialiste! Realisht ky nuk është refren i padëgjuar më parë dhe ndër parti të tjera! Në demokraci brenda forcave politike reagimet “opozitare” brenda llojit janë të mira! Janë të mira kur ato janë të shëndetshme , të motivuara ,të argumentuara dhe gjithashtu kur kanë koherencën e duhur. Të shëndetshme nuk më duken aspak disa numra qe largohen nga LSI dhe i bashkohen PS me argumentin se gjoja tek kjo parti nuk gjejnë vetveten programërisht! Po ku kanë qenë deri dje keta antarë “idealistë” të thekur?! Pse tani në prag fushate?! Dhe kur ky fenomen ndodh në prag fushatash zgjedhore të bën të dyshosh fort për sinqeritetin e të larguarëve, po ashtu dhe për ata që i presin me krahë hapur në Partinë e tyre duke e trumpetuar humbje të LSI-së dhe ” fitore” të “shtepise se tyre” politike! Nuk është meraku im pakesimi i radhëve të LSI-se dhe shtimi i radhëve të PS-se ku ata deklarojne se shkojne! “Shqetësimi” im ka të bej me faktin e shplarjes se formatit politik të Partive dhe po ashtu me “cilësinë politike” të antarësimeve në Parti! Ky lloj procesi tregon totalisht degjenerim politik, degjenerim në pjesmarrje politike. Raste pafund vitet e fundit kanë ndodhur dhe me deputetë të cilët sa herë interesat e tyre shikojnë drejt pushtetit “shtegetojnë” si dallendyshet në cepat e “ngrohtë” të pushtetit dhe politikës! Këta tipa deputet dhe këtë sojë antarësie më mirë të mos i kesh në familjen politike sesa ti numërosh si antarë! Në këtë kuptim si përfundim dëshiroj të them se largimi i disa antarëve të deklaruar të ikur nga LSI me destinacion PS-në më shumë pis bëjnë veten e tyre dhe ambjentin politik ku shkojnë!..Thënë më shkurt këta tipa dhe ky lloj formati nuk mund të quhet vlerë e shtuar tek Partia që shkojnë as vlerë e humbur tek partia që “braktisin”! Sipas meje të gjithë këta pa dallim pozicioni, moshe dhe seksi kanë vetëm një emër: ANTIVLERË POLITIKE!
