Këto javë të fundit, kryetari i Bashkisë së Tiranës, të cilin e ka ngarkuar partia të mbledhë vota edhe pse në fakt ka një konflikt të madh interesi për shkak se mund të favorizojë njerëz në këmbim të votës për shkak të pushtetit që ka, ka bërë dy deklarata shumë të rënda.
Së pari, ka deklaruar se si mund të pasurohesh kur je në opozitë, duke na bërë të pyesin: pra pasurohesh kur je në pushtet? Ti je pasuruar?! (Idem me deklaratën e Shalsit që nuk do vidhnin në mënyrë kaq flagrante).
Së dyti, ka vendosur të mos i japë një biznesmeni lejën për vilë, gjithnjë sipas tij, se ka shumë vila. Për këtë është hedhur në gjyq. Edhe sikur dikush të ketë shumë vila, nuk është puna e kryebashkiakut të numërojë vila e të bëjë llogari sa vila duhet të ketë dikush se për besë s’ka hiç ndryshim me një komunist po u soll kështu.
Shpesh te njerëz të ndryshëm dëgjoj që Veliaj është politikan i talentuar dhe si kundërpërgjigje u them: duhet parë kur të bjerë Rama.
Këto dy deklarata, mbase nuk i ka të vetat e do ia ketë dhënë Fuga, se po i pati, s’mbahet politika me deklarata si kasetat e gatshme për punë pemësh!
