Pse kjo narrativë nga Edi Rama?
Në thelb, kjo është një strategji politike e paramenduar, e cila synon të forcojë pushtetin e tij përmes manipulimit të ndjenjave dhe aspiratave të shqiptarëve. Por pse pikërisht tani dhe pse pikërisht kjo qasje?
Sepse frika është dobësuar, duhet zëvendësuar me iluzionin.
Sepse zgjedhjet e 11 majit nuk kanë asnjë kauzë madhore, pra Rama nuk ka asnjë bilanc të suksesshëm për t’u mburrur dhe as ndonjë program të ri për të ofruar.
Sepse Shqipëria po zbrazet dhe ai ka nevojë për një fabul tjetër, megjithatë Rama e sheh këtë fenomen si diçka të dobishme për të.
Sepse manipulimi i shpresës funksionon më mirë se propaganda e zakonshme, pra sipas Ramës nuk është më përgjegjësia e tij për ta bërë Shqipërinë të jetueshme, por është përgjegjësia e qytetarëve t’ia japin atij pushtetin në mënyrë që ai t’u ofrojë një rrugë për t’u larguar më lehtë.
Konkluzioni:
Rama nuk po flet për pasaportën e BE-së sepse e beson apo sepse ka një plan për ta realizuar atë. Ai po e përdor këtë premtim për të mbuluar dështimet e tij dhe për të manipuluar votuesit me një shpresë të rreme – një art që ai e ka përsosur gjatë gjithë karrierës së tij.
