Ngacmoi seksualisht një 14 vjecare.
Pedofili Petro në telashe, rrezikon 20 vjet burgim
Prokuroria e Gjirokastrës i ka komunikuar pronarit të televizonit ALPO, Aristotel Petro, në seancën e parë gjyqësore që u organizuar sot në Gjykatën e Gjirokastrës, akuzën penale “Marrëdhënie seksuale ose homosekuale me të mitur”.
Sipas dosjes të institucionit të akuzës, ndaj të pandehurit Petro rëndon një vepër e rënd penale, pasi ai ka kryer marrëdhënie seksuale me fëmijë të mitur, që nuk ka arritur pjekurinë seksuale.
“Nëse provohet se i pandehuri Aristotel Petro ka ngacmuar apo ka kryer marrëdhënie seksuale me të mitur, ai mund të dënohet me burgim nga pesë deri në pesëmbëdhjet vjet”, – thanë avokatja mbrojtëse e viktimës, e cila preferoi të ngelet anonim për të mbrojtur identitetin e klientit të saj.
I njëjti burim nënvizoi se prokuroria disponon tashmë një video, ku shihet qartë që i pandehuri Aristotel Petro ngacmonte sekualisht një gazetare të mitur, ngjarje e ndodhur dy vite më parë (2020).
“Fatkeqësisht hetimet e mëtejshme kanë rezultuar të dhimbshme, sepse organi i akuzës ka provuar se i pandehuri ka kryer marrëdhënie seksuale më shumë se njëherë, gjë që ka shkaktuar pasoja të rënda për shëndetin e vajzës së mitur”, – tha avokotja, ndërsa shtoi se nëse provohet në gjykatë atëherë i pandehuri mund të dënohet nga dhjetë deri në njëzet vjet burgim, kjo parashikuar në Kodin Penal, neni 101.
Mbi një vit më parë, pronari i televizonit ALPO, Aristotel Petro, pohoi autorësinë e videos, por mohoi se ai e kishte ngacmuar 14 vjecaren, pasi video e tij u bë virale në Facebook.
Një muaj pas publikimit, prokurori i ceshtjes tentoi ta mbyllte skandalin, por Gjykata e Gjirokastrës e riktheu dosjen për rihetim, pasi sipas vendimit të gjyqësorit dosja penale nuk ishte e plotë.
