KORRUPSIONI LUFTOHET ME POLITIKA SOCIALE, JO ME SHOW
Nga Rrapo Isufaj
Arrestimi i bujshem i nje mjeku ne spitalin e traumes para pak javesh, me skema dhe sekuenca te fryra, imazhe te denja per xhirimet e filma aksion , qe perfundojne me prangosjen e kokave te krimit, kryemafiozeve dhe terroristeve, na entuziazmoi . Gjithekush mendoi se me ne fund endrra per arrestimin e peshqeve te medhenj u be realitet. Por prape zhgenjim … zhgenjim! Peshku i ngecur ne rrjeten e drejtesise ishte thjesht nje cironke, peshkaqenet e krimit kane force te shqyejne jo vetem rrjeten, por edhe “peshkataret” e drejtesise. Ata kane pire dhe po pijne qumesht “Zane”. Nga Zana politikë. Nuk jam kunder arrestimit te mjekut, se perderisa ai shkeli mbi betimin e Sokratit dhe e nxiu faqen dhe perparesen e tij, nuk mund ti bej avokatine por edhe ca te drejta duhen thene.
“Jepi Cezarit ate qe i takon Cezarit”. Mjekeve ju duhet kthyer dinjiteti, se figura e tyre eshte shperfytyruar dhe poshteruar nga mungesa e trajtimit institucional. Trajtimi dinjitoz ekonomik i mjekeve me rroga qe te jene ne sinkron me profesionin e tyre, me vitet dhe shkallen e arsimimit, me ngarkesat, me sherbimin dhe specifikat e vecanta, jane armet e fitores qe do te zhduknin korrupsionin ne bluzat e bardha dhe do te lartesonin profesionin e bukur human. Qeveria u premtoi mjekeve copen e madhe qysh ne mandatin e pare. 40% ngritje rroge. Refreni vazhdoi edhe ne mandatin e dyte dhe te trete. Fatkeqesisht, copa mbeti ne sirtarin e enderrave. Kokoshi u katandis nje thel, mese fundmi ca therrime, ne masen 7-8%.
Pakenaqesia per trajtimin financiar eshte shtrire jo vetem te personeli mjekesor, por edhe te ai ndihmes dhe administrata, e cila e sheh veten te diskriminuar ne vleresimin e pages. Ata ankohen se vendimi i ri per pagat e ka lene ne hije administraten dhe specialistet e spitaleve rajonale dhe lokale. Sipas punonjesve, vendimi i ri per pagat nuk mund te quet as rritje rroge, as kompesim, dhe as page emergjence per te zbutur “gangrenen” ekonomike, qe ka prekur boten, per shkak te luftes ne Ukraine.
Qeveria duhet te mbaje premtimet per ngritjen e pagave, duhet te vleresoje sakrificat dhe perkushtimin e gjithe sistemit shendetesor, vecanerisht ne situatat e jashtezakonshme qe shkaktoi covid-19. Lufta kunder korrupsionit fitohet me politika me te mira social-ekonomike, me trajtim dhe vleresim dinjitoz te personelit shendetesor.
