Mezi pres të dëgjoj nga Sali Berisha dhe shpura e tij nëse Basha vazhdon të jetë i kapuri i Ramës, apo jo?! Kur thonë, Rama ka komplotuar kundër opozitës, kë kanë parasysh këta, nënkryetarët, sekretariatin, kryetarin e forumit rinor, atë të grave, apo ishkryetarin e saj, z. Basha?
Se unë nuk besoj që nëse Basha ka qenë i kapur nga Rama, të ketë komplotuar bashkë me Ramën kundër vetes, Mondit, Tritit, Mulit etj.
Por, sigurisht, “PengKryetari” nuk mund të komplotonte kundër vetes, apo jo?
Kudh është ai që nuk do të bëhet kryeministër i një vendi?!
Kryetar i opozitës në atë kohë, ishte Lulzim Basha, me të mirat dhe të këqijat e tij. Kryetari i opozitës, në rast fitoreje do ishte, kryeministri i vendit, ai që do zinte vendin e Ramës. Pra, me këtë reagim, Sali Berisha, ka përgënjeshtruar automatikisht Sali Berishën përsa i përket Bashës.
Nga këtej e tutje, Berisha nuk ka më të drejtë ta quajë ish kryetarin, peng të Ramës. Mund ta quaj të paaftë, mund ta quaj, ça të dojë, por jo më pengkryetari i kryeministrit.
Sepse, siç thoshte sot në një shkrim, gazetari Nebil Çika (i riu), Edi Rama shpiku armën e financimit Rus të lobimit të PD-së për të vrarë rivalin e vet, Lulzim Bashën dhe partinë që ai drejtonte.
Ndërsa Berisha e përdori këtë armë për të vrarë kryetarin në detyrë të PD-së, Lulzim Bashën dhe për ta shpartalluar përfundimisht PD-në duke e ndarë në disa copa.
Kështu që Edi Ramës i funksionoi mirë skema. Pagoi oficerin e lartë të FBI-së për të shkatëruar opozitën. E ndërsa gjysmën e punës e bënë sekserët e tij në amerikë, gjysmën tjetër të punës për shkatërimin e opozitës i’a bënë të mundur Sali Berusha dhe këta injorantët që e ndjekin pas në çdo budallallëk, gënjeshtër e shpifje që bën ai mbi këdo e ndaj këdo në dëm të PD për interesat personale të Sali Berishës.