Këta nuk janë deputetë. Deputeti është politikan. Këta nuk janë politikanë.
Këta janë thjesht të punësuar në Kuvend se ashtu ia donte qejfi Lul Bashës dhe Sali Berishës.
Meqë Lul Basha nuk është më, këta i kthejnë mirënjohjen punëdhënësit tjetër që vazhdon çalë çalë të bëjë sikur bën politikë në parapolitikë, Sali Berishës.
Përderisa ju mor zotrinj deputetë e ke çuar çështjen në SPAK, ju e keni kryer detyrën tuaj si politike, edhe kushtetuese.
Ngritja e një komisioni hetimor, për të njëjtën çështje që e heton SPAK, thjesht do pengojë punën e SPAK.
Ore, doni apo nuk doni ju qe SPAK ta hetoje realisht Ramen, kur dihet që po do t’i humbësh edhe vlerën e shkeljes ligjore një skandali, ngre një komision hetimor.
Çështja që mund të jetë politike, dhe kështu humbet vlerën reale të fajit.
Veç kësaj, unë kam një pyetje për ju. Po Sali Berishën për të njëjtën çështje, ku na del se Sekretari i Marëdhënieve me Jashtë, krahu i djathtë i tij, ai që nesër presupozohet të jetë Ministri i Jashtëm i Republikës së Shqipërisë, që është takuar me ish funksionarin e lartë të FBI, që Rama e ka paguar për të dëmtuar opozitën, siç thoni ju, kush do ta hetojë, komisioni Berisha, apo SPAK?!
A mund ta hetojl Berisha, Berishën?!
Hedhja e firmës në peticionin e Berishës, nga deputetët e derisotshëm anti-nongrata, më e pakta, është diletantizëm, më e shumta, dorëzim para presionit të nongratës nga frika se po të mos firmosnin, do t’i quante bashkëpunëtorë të Ramës.
Ndërkohë, ai që e çoi në fund misionin e Ramës duke paguar miliona zyrtarin e lartë amerikan, për të zhdukur Bashën nga politika dhe për ta bërë PD një parti të dobët, e përmbushi, e çoi në fund, Sali Berisha me shpifjet dhe gënjeshtrat e tij.
Tani që u dorëzuat para non gratës, jepini dhe vulën atij, bashkohuni me të, dhe lëpihuni për ndonjë pozicion të sigurt deputeti në zgjedhjet e ardhshme, se si me ju, si pa ju, e ardhmja e non gratës, dihet cila është.
Shpreh respektin më të madh për deputetët që nuk e kanë ngrënë karemin e nongratës në këtë rast!
