PA TY ZEMRA NUK RREH MA
Buza jote me folë hakun
Gjithkuj zemren ja ndez prush
Me ma ditë moj shpirt mrakun
Para meje s’të puth kush
Sa herë t’shoh pa mend më len
Ti s’e din sa shumë të ndjej
Porsi flutur shkon e vjen
E mu gjaku m’vlon ndër dej
Du të jem me ty i lumtur
Ta shoh veten n’kraht e tu
S’do të ketë dashni më t’bukur
N’zemër emrin ta kam shkru
Sytë e tu janë si pasqyrë
Aty veten e shikoj
Nuri yt ylber në ftyrë
Buzen tande adhuroj
Sa her’ kokën vë n’jastek
Mbylli sytë n’andërr me t’pa
Ty t’kujtoj e mendsh s’të hjek’
Pa ty zemra nuk rreh ma
Ramazan Çeka
