LOT E MALL
Fëmit na iken në kurbet
Babë e nanë vetëm i lanë
Malli për ta shumë i vret
Me lot sytë prindët i kanë
Po shkojnë vitet në vetmi
Natë e ditë rrugen tuj pa
Athu k’thehen ma k’ta fëmi
Se për ta zemra asht tha
Po shihni veç jeten tuj
Kush nji fjal me ne s’e flet
Kush ka fëmië në dhe të huj
Asnjiher derman nuk gjet
Kush na lag’ buzen me uj’
Kush ilaçet po i blen
Kush ka f’mit në dhe të huj
Për ta dielli kurr nuk len
Erret natë e zbardhet ditë
Porsi qyqja rrinë dy pleq
Kërkush n’derë nuk ka trokitë
Shpirti tyre se ç’po heq
Asht lodhë trupi, ka humb shpresa
Nuk janë t’zot në kamb mu çu
Afër s’kanë nipa as mbesa
Zemra tyne asht coptu
Ramazan Çeka
