DASHURIA DON GUXIM
S’është dashnia për gjithkend,
Don guzim edhe don mend.
Ai që s’din me dashuru,
Për së gjalli ka mbaru.
Dashuria nuk don fjalë,
Por don zemren me ja falë.
Dashuria nuk don za,
Kur dashni në zemer ka.
Po nuk dite me lujt lojen,
Kurr’ dashnisë nuk ja njeh bojen,
Sa mendohesh ç’ka me ba,
Për kët’ jetë ke mbet’ pa gja.
Po nuk dite ti me dashtë,
Kot bën hije kur del jashtë.
Kur nuk din me dashuru,
N’qaf’ paç veten edhe mu.
Dashuria s’është bixhoz
Pa nevojë m’u ba xheloz,
Veç një herë ajo të vjen,
Po të iku ma s’e gjen.
Dashuria është si furrë,
Të djegë flak’ në mos qofsh burrë,
Ajo t’jep dhe sy me pa,
Kur ti shenjit i ke ra.
Lum kush din se ça ka n’dorë,
Një dashni të bardhë si borë,
Në qoftë plak apo i ri,
E çmon fort kët’ pasuri.
Ramazan Çeka
