Nga Pëllumb Kulla: Do kujtohesh gjithmonë, Fuat i mirë!

DO TË KUJTOHESH GJITHMONË, FUAT
Fuat i mirë, u ndave nga të dashurit e tu, admiruesit e panumërt, kolegët me të cilët bëre një jetë. Jetë suksesesh të vërtetë.
Artistët vdesin ndryshe, Fuat.
Ndryshe nga të tjerët, artistët vdesin më pak. Ose, më saktë, tek ata vdes vetëm një pjesë e tyre, ajo pjesa më e dobët, më e stërmunduara, më e dëmtuara: fiziku, shtati. Kurse vepra e tyre vazhdon të jetojë, bile me vdekjen e tyre ajo përshkënditet më shumë.
Dhe ti u le shqiptarëve një album pa fund me karaktere të spikatur që nuk harrohen kollaj e do të vazhdojnë të jetojnë. E ti do të kujtohesh tok me ta. Dhe kujtimi yt do të vizatojë miliona buzëqeshje akoma. Në jetë të jetëve!
Të qoftë i lehtë dheu i Fierit, Fuat Boçi!